Այսօր ճամբարային երրորդ օրն է, որը համընկավ Երեխաների պաշտպանության օրվան: Մենք ունեցանք շատ հետաքրքիր օր: Ժաննա Ալբերտվնայի հետ խոսեցինք տոնի մասին, և դիտեցինք փոքրիկ ֆիլմ: Իմացանք շատ նոր բաներ, օրինակ՝ Բրազիլիայում երեխաներին տոնի օրը պատվաստումներ են ներարկում տարբեր հիվանդությունների դեմ,դրանով երեխաներին պաշտպանում են հիվանդություններից, իմացանք նաև, որ Երեխաների պաշտպանության օրը 1950թ. դարձավ պաշտոնապես միջազգային օր և այլ: Այսօր Մարմարյա սրահում տոնին նվիրված Հակաբացիլ Կոմիտաս համերգն էր, որին մասնակցում էին նաև մեր կրտսեր դպրոցի սովորողները: Մեր օրը ավելի հետաքրքիր և քաղցր դարձրեց նվեր պաղպաղակը: Շարունակելով Ժաննա Ալբերտվնային՝ տիկին Կարինեն պատմեց Հունիսի մեկի տոնի պատմությունը: Այսօր հետաքրքիր տրամաբանական առաջադրանք կատարեցինք հայոց լեզվից, խաղացինք սեղանի խաղ, իսկ վերջին ժամը մեզ մոտ մարզական էր:
Երրորդ օրն է ճամբարում եմ, բացարձակ չեմ ձանձրանում և ամեն օրը մեկը մյուսից ավելի հետաքրքիր է անցնում:
Day: June 1, 2022
Ճանաչողական խաղ
Պատասխանի տարբերակներում բերված բառերը, բացի մեկից, նույն ընտանիքից են։ Ո՞րն է օտարը։
Ա. թեյնիկ Բ. բաժակ Գ. գթալ Դ. դանակ Ե. կաթսա
Բ. Արաքս Բ. Որոտան Գ. Երևան Դ. Դեբեդ Ե. Քասաղ
Գ. Իսպանիա, Անգլիա, Մոսկվա, Ռուսաստան, Հայաստան
Դ. կաղնի, խնձորենի, եղևնի, բալ, դեղձենի
Ե. լոր, ագռավ, կաչաղակ, արջ, ճնճղուկ
Զ. վարդ, մեխակ, շուշան, քաջվարդ, կեռաս:
Ի՞նչ բառ է որոշակի օրինաչափությամբ թաքնվել բերված բառաշարքում։
բարդի, դարակ, թերհաս, թեփուկ, երեկո
Ա․ կարաս
Բ․ դահուկ
Գ․ փեթակ
Դ․ հասուն
Ե․ կորեկ
Պատասխանի տարբերակներից որի՞ հերոսներն են դասավորված ճիշտ նույն
հաջորդականությամբ, ինչ նրանց արձակած ձայները բերված շարքում.
մլավոց, բառաչ, մռնչոց, վրնջոց, կչկչոց
Ա. կով, կատու, ձի, հավ, առյուծ
Բ. առյուծ, կով, հավ, ձի, կատու
Գ. ձի, առյուծ, կով, հավ, կատու
Դ. հավ, կատու, ձի, առյուծ, կով
Ե. կատու, կով, առյուծ, ձի, հավ
Ո՞վ է միավորում հայտնի հեքիաթների հերոսներին:
Անբան Հուռի, Ձախորդ Փանոս, Քաջ Նազար,
Կիկոս, Կացին ախպեր
Ա. Ղազարոս Աղայան
Բ. Գրիմ եղբայրներ
Գ. Հովհաննես Թումանյան
Դ. Հանս Քրիստիան Անդերսեն
Ե. Ալեքսանդր Պուշկին
Երեխաները դասարանում խաղ էին խաղում: Յուրաքանչյուրը պետք է մի
առարկա ցույց տար՝ ըստ խաղի որոշակի կանոնի: Տաթևիկը ցույց տվեց
տետրը, Դավիթը՝ դասագիրքը, Պետրոսը՝ պայուսակը, Կարինեն՝ կավիճը:
Ի՞նչ ցույց տվեց Սարգիսը:
Ա. ռետին
Բ. քանոն
Գ. սրիչ
Դ. մատիտ
Ե. գրիչ
Նարե Հովհաննիսյանի բլոգ 